نكات سودانيه

[magrabe]

شايقي جاب لـيه نـص كـيلو لحـمة فـي البـيت

الـمره اكـلتها وقالـت لـيهو

الـكديسة اكـلت اللـحمة

قـام الشايقي جـاب مـيزان وزن الـكديسة

جـابت نـص كـيلو قـال لـلمره

طيـب دي اللحـمة كديسـتك ويـن؟؟

[magrabe]

اتنين بيسطلو واحد سأل التاني قال ليهو : إنت مولود وين

قال ليهو في المستشفى

قام قال ليهو : كنت عيان ولاّ شنو

[magrabe]

شـايـقى واقـــف في بص شـاف بنت قـاعـــدة


قـام عــاين ليهاعـاينت ليه


أبتـسم ليها أبتسـمت ليه


غمـز ليها غمزت ليه


أشـر ليها علي المحطة نـــــزلت قعــــــــــد محلـــــها

[magrabe]

عجوز في محو الأمية

سألتها المدرسة

أعطينا جملة فيها إدغام بغنة ؟

قالت ليها عمن يعميك



حلفاوي قال الحمدلله رمضان الما كان رمضان اول ورمضان تاني


زي جماد اول وجماد تاني وربيع اول وربيع تاني

[magrabe]

حنكوشة دخلت مطعم قراصة صاحبو رباطابى

قالت ياعمو عليك الله ادينى سندويتش

قاليها يابتى عندنا قراصة كان دايرة سندويتش جيبى ابرة وخيط

[magrabe]

الرباطابي عمل ليه محل فول في البلد ومشى معاه كويس


قام وسع المحل وعمل قدرة ثانية وزاد عدد الكراسي


وبعد فترة جاب ليه ست شاي في المحل


جاهو صاحبو الرباطابي قال ليه

يا دكتور عينت ليك (فحيص) معاك؟؟

[magrabe]

إتنين بصلو الظهر جماعة إمام ومأموم


وجاء واحد تالت وماعارف الإمام اليمين ولا الشمال


المفروض يسحب المأموم ليرجع معاهو وراء ويبقى الإمام قدام


ولكن بدأ يسحب في الإمام يسحب يسحب يسحب والإمام واقف تُج


وكان في رباطابي واقف بعيييييييييد ويشاهد في الموقف


في النهاية الرباطابي كورك للزول وقال ليهو


هوي الضلفة دي مقفولة جر التانية

[magrabe]

شايقي إشترى ساعة سالوهو

الساعة كم؟

قال ليهم أها خلاص دايرين تكملوا الحجر

[magrabe]

مسطول لابس فردة جزمة بيضا والتانية سودا

واحد بشاغل فيه قال ليه

وين ياخي شنو القيافة والجزم الحلوة دي؟؟

المسطول قال ليه وحاتك عندي زيها تاني في البيت

[magrabe]

واحد عندو حرقان في البول مشي المعمل بعد ما فحص



الفحيص قال ليهو



عندك اربعة صلايب سكري


الراجل زعل وقال والله الزول ده ما بيعرف اي حاجة


وقال لازم يعمل فيهو مقلب أصلو ما حصل


اخد قارورة العينة ومشي البيت عمل فيها شوية بول


واخذ من زوجته شوية وخلطهم مع بعض


وطلع الشارع شال من عربيتو شوية زيت وخلطهم


جا ادا العينة لفني المعمل وقعد ساعة كاملة بعد شويه


الفني ناداهوا وقال ليهو


اسمع انت عندك نفس الاربعة صلايب بتاعة السكري

ومرتك حامل وعربيتك عاوزة شمبر

[magrabe]

اتنين يوم العيد مشو المقابر
يزوروا قبر ابوهم

قعدوا يتغالتو
يا هودا دا
لا ما ياهو

مر فوقن واحد مسطول
قال ليهن
انتو دايرين تدوهو فاتحة وللا مصاريف

[magrabe]

جعلي فتح مكان غاز فجّر خمسة انابيب دعاية

[abdelbagi]

مسطول دخل بيتو لقى عشرة جلابيب مشرورة في حبل الغسيل وقف قدامهم وقال : استووووووا

مسطول وأحول بيرموا في طعمية الاحول بيرمي الطعمية برا الصاج والمسطول قاعد جنبه يقول ليهو : تششششش

مسطول ماشي الحمام فتح باب التلاجه بالغلط النور ولع قال : متأسفين ورجع

مسطول سايق تاكسي وقفتو واحده بعد ما ركبت قلت ليهو نادي الشباب لو سمحت قال ليها : ناديهم انت

واحد شايقى ادوهو بيتين فى الجنة .. اجر واحد وباع
التانى ومشى سكن مع عزابة فى النار

مسطول وقف تاكسى .. و قال للسواق: " يا إبن
"..العم .. تودينى وين .. و أدفع ليك كم ؟
.. بتاع التاكسى زاتو طلع مسطول
".. فقال ليه : " أنزل هنا و أدفع البتدفعه

واحد الدنيا ضارباهو ومعصلجة معاهو
جاتوليلة القدر كان فى نفسو يقول عايز ابقى زي
صلاح ادريس من اللخمة قال عايز يكون زى ادريس صلاح ..
اصبح من الصباح لقى عربة كارو بى حمار واقفة جنب الباب


مسطول دخل مطعم .. قال للجرسون:" عايز واحد
".. فول .. بس يكون من غير سلطة
الجرسون قال ليه:" السلطة الخضراء
.. العندنا شطبت
"..ما عندنا غير سلطة طحينة
المسطول قال ليه:"ما فى مشكلة .. طيب أعمله من غير
".. سلطة طحينة

واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح

قالوا مسطول سودانى قاعد مع مسطول مصرى قام قال
".. ليه:" تعرف .. الدنيا دى كلها مآسـى
المسطول المصرى قال ليه: " ليه .. هو مقاسك
" أد إيه ؟


ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج


مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى
".. و بلوك لى فى لبانة


قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة قالت ليهو : أسماء
قال ليها يعنى مافى اسم محدد

قال ليك واحد تكاسى راكبة معاهو بنت كل ما بطنو تكركب يروح ضارب البورى شديد
الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي
اصدمها بس عليك الله بوريك العفن دا تانى ماتضربو )


تلاته مساطيل راكبين في طيارة هلوكوبتر بسطلوا
والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت

[magrabe]

قملة قالت لي خطيبا لو داير تعرسني تعمل لي شهر العسل في شعر مهند

[magrabe]

كهربجى عوير داير يهظر مع مرتو قرصها بالزردية

[magrabe]

مسطول دخل عليه عزرائيل

قالليهو: أنا ملك الموت

قال ليه: خلعتني قايلك بتاع مباحث